呢篇我想講講跨錬又係d乜野泥？
試構想以太幣嗰邊d layers 有個你好想投資既計劃，但你只得比特幣喺自己wallet ，無嗰邊生態的加密貨幣或代幣，咁點好呢？當然你可以賣出比特幣套現再買在以太坊生態嗰邊入手所需的幣，但問題係一來一回有礦工費，兼可能當時比特幣並不好價，賣出要蝕，咁點好呢？
你就可利用一d第三方的跨錬服務，過程並唔難理解，你將某個數量比特幣鎖定喺呢個第三方系統內，而佢就喺以太坊用智能合約ERC20 token 產生一隻代幣，譬如叫WBTC比你，跟著你就可以喺以太坊條錬到做賣買啦，有d協議係可以當你唔用時就註銷翻呢d WBTC 代幣，跟住解除系統的鎖定比翻d比特幣比你。
要注意既係，呢個跨錬過程中，比特幣和以太坊兩邊係完全無相連過，只係第三方設計一個方法將兩條去中心化區塊錬接連啫，而且呢個第三方係極「中心化」既，佢隨時可以失蹤攞曬你d比特幣走佬都得，或者你「質押」左d比特幣，遲遲唔出嗰d代幣比你都得！所以，你想跨錬要搵信得過的第三方（我呢句可圈可點，自己睇路）。
WBTC唔係虛構既，係真有既，全名叫Wrapped Bitcoin，價值跟Bitcoin 睇齊，你可以visit 下下面條link:
https://wbtc.network/
